మెగా హీరో కోసం భారీగా ఖర్చు చేయనున్న పవన్ కళ్యాణ్.. అతను మళ్ళీ తిరిగిస్తాడా?

నిర్మాతగా.. రెండు సినిమాలు ప్లాప్..

పవన్ కళ్యాణ్ నిర్మాతగా కూడా పలు సినిమాలను నిర్మించిన విషయం తెలిసిందే. సర్దార్ గబ్బర్ సింగ్, అలాగే యువ హీరో నితిన్ ఛల్ మోహన్ రంగా సినిమాలకు సహా నిర్మాతగా వ్యవహరించారు. కానీ ఆ రెండు సినిమాలు కూడా పవర్ స్టార్ కు అంతగా లాభాలను అందించలేకపోయాయి. ఇక నెక్స్ట్ ఎలాగైనా సక్సెస్ కొట్టాలని చూస్తున్నారు.

త్రివిక్రమ్ సలహా మేరకు..

పవన్ కళ్యాణ్ సినిమాలను నిర్మించాలని ఎప్పటి నుంచో కథలను వింటున్నాడు గాని ఏది నమ్మకంగా అనిపించడం లేదు. అలాగే త్రివిక్రమ్ కూడా కొన్ని కథలను సజెస్ట్ చేసే ప్రయత్నం చేస్తున్నారు. ఆయాన సలహా మేరకు రెండు కథలను పెండింగ్ లిస్ట్ లో పెట్టినట్లు ఒక టాక్ అయితే వస్తోంది.

ఫోటోలు: అల వైకుంఠపురము రీయూనియన్..పాల్గొన్న చిత్ర బృందం

ఆ దర్శకుడితో కొత్త సినిమా

ఇక ముందుదా డైరెక్టర్ కిషోర్ పార్థసాని(డాలీ) చెప్పిన కథకు పవన్ టెంప్ట్ అవుతున్నట్లు తెలుస్తోంది. ఇదివరకే వీరి కాంబినేషన్ లో గోపాల గోపాల, కాటమరాయుడు సినిమాలు తెరకెక్కిన విషయం తెలిసిందే. అయితే ఆ సినిమాల అనంతరం మరో సినిమా చేయాలని అనుకుంటున్నారు కానీ కథ సెట్టవ్వలేదు. అయితే పవన్ ఈ సారి నిర్మాతగా మారి ఆ దర్శకుడికి అవకాశం ఇస్తున్నట్లు తెలుస్తోంది.

హీరో అతనే..

ఇక పవన్ నిర్మించబోయే సినిమాలో హీరో మరెవరో కాదు. ఆయన మేనల్లుడు వైష్ణవ్ తేజ్. ఉప్పెన సినిమాతో బాక్సాఫీస్ హిట్ కొట్టడానికి రెడీగా ఉన్న వైష్ణవ్ తేజ్ క్రిష్ డైరెక్షన్ లో కూడా ఒక సినిమాను పూర్తి చేశాడు. ఇక ఇప్పుడు పవన్ కళ్యాణ్, కిషోర్ పార్థసాని కాంబినేషన్ లో తెరకెక్కే సినిమాలో హీరోగా నటించనున్నట్లు తెలుస్తోంది. మరి పవన్ కు ఈ హీరో ఎంతవరకు లాభాలను అందిస్తాడో చూడాలి.