For Quick Alerts
    ALLOW NOTIFICATIONS  
    For Daily Alerts

    ‘అల్లుడు అదుర్స్’కు బడా డైరెక్టర్ సాయం: తప్పులు సరిదిద్దేందుకు రంగంలోకి!

    |

    వరుస పరాజయాలతో ఇబ్బందులు పడుతోన్న సమయంలో 'రాక్షసుడు' సినిమాతో కెరీర్‌లోనే మొట్టమొదటి భారీ విజయాన్ని అందుకున్నాడు బెల్లంకొండ వారి అబ్బాయి సాయి శ్రీనివాస్. ఈ మూవీ ఫలితం ఇచ్చిన జోష్‌తో అతడు ప్రస్తుతం ఎనర్జిటిక్ డైరెక్టర్ సంతోష్ శ్రీనివాస్‌తో 'అల్లుడు అదుర్స్' అనే సినిమా చేశాడు. సంక్రాంతి కానుకగా జనవరి 14న ఈ చిత్రం విడుదల కానుంది. ఈ నేపథ్యంలో ఈ సినిమా కోసం టాలీవుడ్ సక్సెస్‌ఫుల్ డైరెక్టర్ అనిల్ రావిపూడిని చిత్ర యూనిట్ రంగంలోకి దింపిందని తాజాగా ఓ న్యూస్ ఫిలిం నగర్ ఏరియాలో చక్కర్లు కొడుతోంది.

    తాజా సమాచారం ప్రకారం.. రెండు రోజుల క్రితమే 'అల్లుడు అదుర్స్' సినిమాను అనిల్ రావిపూడికి చూపించిందట చిత్ర యూనిట్. ఆ సమయంలో సినిమాలోని కొన్ని సీన్స్ కత్తిరిస్తే బాగుంటుందని అతడు.. దర్శకుడు సంతోష్ శ్రీనివాస్‌కు చెప్పాడని తెలిసింది. అందుకు అనుగుణంగా ఎడిటింగ్ వర్క్ కూడా చేశారని అంటున్నారు. అంతేకాదు, సినిమాకు సంబంధించిన కొన్ని పనుల్లోనూ ఆయన యాక్టివ్‌గా ఉండడంతో పాటు ఎంతో సాయం చేశాడని సమాచారం. సక్సెస్‌ఫుల్ డైరెక్టర్ చేయి పడడంతో ఈ సినిమా సూపర్ హిట్ అవుతుందని యూనిట్ ఫుల్ ధీమాగా ఉందనే టాక్ వినిపిస్తోంది.

    Alludu Adhurs Anil Ravipudi Help Sai Srinivas Bellamkondas Alludu Adhurs

    ఇదిలా ఉండగా.. బెల్లంకొండ సాయి శ్రీనివాస్ - సంతోష్ శ్రీనివాస్ కాంబినేషన్‌లో వస్తున్న చిత్రం 'అల్లుడు అదుర్స్'. సుమంత్ మూవీ ప్రొడక్షన్స్ బ్యానర్‌పై గొర్రెల సుబ్రమణ్యం నిర్మిస్తోన్న ఈ సినిమాలో నభా నటేష్, అను ఇమాన్యుయల్ హీరోయిన్లుగా చేస్తున్నారు. అలాగే, రియల్ హీరో సోనూ సూద్ కూడా ఓ కీలక పాత్రను పోషిస్తున్నాడు. సంక్రాంతి కానుకగా జనవరి 14న ఇది విడుదల కానుంది. ఇటీవల విడుదల చేసిన ఈ సినిమాలోని పాటలు, టీజర్, ట్రైలర్‌కు విశేషమైన స్పందన రావడంతో బెల్లంకొండ సాయి మూవీపై అంచనాలు భారీగా పెరిగిపోయాయి.

    English summary
    Bellamkonda Sai Sreenivas is an Indian actor who works Telugu films. He made his debut with Alludu Seenu (2014) opposite Samantha Ruth Prabhu along with Prakash Raj. He is the son of Telugu film producer Bellamkonda Suresh.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X